2013 թվականին ՌԴ-ն կսկսի նոր ՌՏԿ-ներ կառուցել

2013 թվականին Ռուսաստանը կսկսի նոր ռադիոտեղորոշիչ կայաններ կառուցել Կրասնոյարկսի եւ Ալթայի երկրամասերում. հայտարարել է ՌԴ պաշտպանության փոխնախարար Օլեգ Օստապենկոն:

«Նոր կայաններ կկառուցվեն Ռուսաստանի ամբողջ պարագծով, այդ թվում` Ենիսեյսկում եւ Բառնաուլում»,- ասել է նա: Ըստ Газета.Ru-ի` խոսքը «Վորոնեժ» տիպի ՌՏԿ-ների մասին է:

Ավելի վաղ Օստապենկոն հայտարարել էր, որ 2013 թվականին ամբողջ հզորությամբ կգործի Կրասնոդարի երկրամասի ՌՏԿ-ն: Դրա տեսադաշտում կհայտնվեն Թուրքիայի, Իրաքի, Իրանի, Հնդկաստանի եւ մերձավորարեւելյան պետությունների օդային տարածքները: Միաժամանակ, Կրասնոդարի ՌՏԿ-ն ամբողջությամբ կփակի Գաբալայի կայանի վերահսկողության տարածքը: