Էրդողանի որոշումը ծխածածկույթ է

Թուրքիայի վարչապետ Ռեջեփ Թայիփ Էրդողանի հրամանագրով քրիստոնեական և հրեական համայնքներին վերադարձվելու է 1936 թվականից հետո բռնագրավված ունեցվածքը:

«Պաշտոնական Անկարան այդ որոշումը կայացրել է Մարդու իրավունքների եվրոպական դատարանում կորուստներից, ինչպես նաև ԱՄՆ Կոնգրեսում շրջանառվող` Թուրքիայում քրիստոնեական համայնքների նկատմամբ ճնշումների վրա ուշադրություն հրավիրող օրինագծերի բացասական հետևանքներից խուսափելու համար»,-  հայտարարում է ՀՅԴ Ամերիկայի Հայ դատի հանձնախումբը:

«Հայերի, հույների և ասորիների դեմ իրականացված ցեղասպանությունից 96 տարի անց ընդունված այս հրամանագիրը ծխածածկույթ է` խուսափելու համար այդ վայրագությունների առավել մեծ հետևանքներից»,- նշել է հանձնախմբի ատենապետ Քեն Խաչիկյանը:

Նա նաև ընդգծել է, որ իրենք ակտիվացնելու են աշխատանքը ԱՄՆ Կոնգրեսում և նախագահի վարչակազմի հետ, որպեսզի քրիստոնեական համայնքներին վերադարձվեն Թուրքիայի ոճրագործության հետեւանքով նրանցից խլված ամբողջ ունեցվածքը: