Նոր նախարարն ընդամենը 3 ժամ դիմացավ

Լիբանանի դեմոկրատական կուսակցության ղեկավար Թալալ Արսլանն առաջին նախարարն է, որ լքեց վարչապետ Նաջիբ Միկատիի` օրեր առաջ ձեւավորած կառավարությունը:

Դեմոկրատական կուսակցությունը միավորում է լիբանանյան դրուզներին, որոնք աջակցում են «Հըզբոլլահ»-ին:

Արսլանը «առանց պորտֆելի պետնախարար էր»: Որոշ մտորումներից հետո նա որոշել է, որ «պորտֆելի բացակայությունը» վիրավորական է եւ պահանջել է կարգավիճակի բարձրացում, սակայն, իր պահանջներին բավարարում չստանալով, անմիջապես հրաժարական է տվել:

Արսլանի կողմնակիցները փակել են Բեյրութից հարավ` Հասբանի տանող ճանապարհը եւ օդ կրակել: Նրանց վրդովեցրել է կոալիցիայի վերաբերմունքն իրենց առաջնորդի նկատմամբ. տեղեկացնում է mignews.com-ը: