ԺԱՄԱՆԱԿ. Մարտի 1-ին Ազատության հրապարակում սահմանապահնե՞ր են եղել

Երեկ YouTube-ում է հայտնվել հերթական սենսացիոն տեսանյութը: Այն, ինչպեսեւ Տիգրան Խաչատրյանի ու Սամվել Հարությունյանի սպանությունները պատկերող կադրերը, տեղադրվել են Martimek2008 օգտագործողի կողմից:

Տեսանյութի նկարագրության մեջ նշված է, որ դրանում պատկերված են Ազգային  անվտանգության սահմանապահ զորքերի ծառայողները` Ազատության հրապարակում 2008 թ. մարտի 1-ի առավոտյան` զինված ավտոմատներով եւ այլ զինատեսակներով:

ՀՀ ՊՆ-ից, սակայն, «Ժամանակ»-ին հայտնեցին, որ կադրերում սահմանապահներ չեն, քանի որ վերջիններս կրում են կանաչ, այլ ոչ թե կարմիր բերետներ:

Առայժմ անհայտ են տեսանյութերի աղբյուրները, ինչպեսեւ այն, թե ինչու են դրանք հատկապես հիմա հրապարակվում: