Ճամպրուկում` 451 կրիա եւ կոկորդիլոս

Թաիլանդի մաքսային ծառայությունը Բանգկոկի օդանավակայանում հայտանաբերել է կենդանի կրեաներով լի ճամպրուկ, որոնք գնահատվել են  33 հազար դոլար:

Ինչպես հաղորդում է Reuters-ը, Բանգլադեշի օդանավակայանից ուղեւորն իր հետ Բանգկոկ է բերել 451 կրիա, դրանք բառացիորեն խցկված են եղել միջին չափերի ճամպրուկի մեջ:

Կրիաները եղել են տարբեր չափերի եւ տարբեր արժողության: Բացի դրանցից, մաքսանենգը տոպրակով տեղափոխել է հնդկական  կոկորդիլոսներ` գավիալաներ:

Ոստիկանությունը չի կարողացել գտնել ճամպրուկի տիրոջը, նա, հավանաբար, օդանավակայանից դուրս չի եկել եւ մեկ այլ չվերթով հեռացել է:

Կրիայից պատրաստված ապուրը Թաիլանդի բնակիչների, նաեւ այդ երկիր այցելող զբոսաշրջիկների ամենասիրելի կերակրատեսակներից է: