Համաներվելու մեխանիկա

Հայաստանի ոստիկանության քրեական հետախուզության գլխավոր վարչության նախկին պետ Հովհաննես Թամամյանը վաճառքի է հանել ունեցվածքը:

Մեր տեղեկություններով` «Վաճառվում է» մեծատառ գրությունը օրերս փակցվել է նաեւ Ծաղկաձորում գտնվող նրա շքեղ առանձնատան ճակատին:

Դեռեւս պարզ չէ, Թամամյանի վրա համաներումը կտարածվի՞, թե՞ ոչ: Եթե նրան ազատ արձակեն, նա կարող է իրեն պատկանող անշարժ գույքի վաճառքից ստացված գումարով հանգիստ կյանք վարել արտերկրում: Չի բացառվում նաև, որ այդ գումարի մի որոշ մասը կարող է պետք գալ համաներման տակ ընկնելու համար:

Հիշեցնենք, որ Թամամյանը կալանավորված է պաշտոնեական դիրքը չարաշահելու մեղադրանքով, և համաներումը նրա վրա հնարավոր կլինի տարածել, եթե ժամանակի ընթացքում նախաքննությունը «պարզի», որ նրա կատարած հանցանքն իրականում ավելի նվազ ծանրության է, ըստ այդմ` ենթակա է վերաորակավորման: