Թուրքիայի ՊՆ–ն Սիրիային մեղադրել է Հալեպ նահանգում հարվածներ հասցնելու մեջ

Թուրքիայի պաշտպանության նախարարությունը պնդում է, որ Սիրիան հրթիռային հարված է հասցրել Անկարայի կողմից վերահսկվող Հալեպ նահանգի հյուսիսային մասում գտնվող երկու բնակավայրերի վրա: Գերատեսչության հայտարարության մասին հայտնում է Anadolu գործակալությունը:

Ավելի վաղ սիրիական իշխանամետ «Ալ-Վաթան» թերթը հաղորդել էր, որ նահանգի այս հատվածում նավթատար բեռնատարները երկուշաբթի գիշերը հրթիռակոծության են ենթարկվել:

Ըստ Թուրքիայի Պաշտպանության նախարարության՝ արկերը արձակվել են Քվայրեսի օդանավակայանից: Նրանք ենթադրաբար հարվածել են Ջարաբլուս և Էլ-Բաբ քաղաքներին. հայտնում է նախարարությունը: Գործակալության տվյալներով՝ թուրքական կողմը Ռուսաստանին տեղեկացրել է Սիրիայից նման հարձակումները կանխելու անհրաժեշտության մասին: