Ֆրանսիան եւ Նորվեգիան պատրաստ են Լիբիայի դեմ ռազմական գործողության

Երեկ ՄԱԿ-ի Անվտանգության խորհուրդը հավանություն է տվել Լիբիայի օդային տարածքը թռիչքների համար փակ համարելու եւ խաղաղ քաղաքացիների «պաշտպանության համար անհրաժեշտ բոլոր միջոցառումներին»:

Բանաձեւը նաեւ խստացնում է լիբիացի առաջնորդների նկատմամբ կիրառվող պատժամիջոցները: Ի դեպ, քվեարկության ժամանակ ձեռնպահ են մնացել Գերմանիան, Չինաստանը եւ Ռուսաստանը:

Իսկ այսօր Ֆրանսիան եւ Նորվեգիան հայտարարել են, որ պատրաստ են ռազմական գործողություն իրականացնել Լիբիայում:

«Հօգուտ բանաձեւի քվեարկած Ֆրանսիան, անշուշտ, կմասնակից ռազմական ինտերվենցիային»,- ըստ «Ֆրանս պրեսի»` հայտարարել է ֆրանսիական իշխանությունների ներկայացուցիչ Ֆրանսուա Բարուանը:

«Մենք օժանդակելու ենք գործողությանը, հավանորեն` օդային հատվածում»,- ասել է Նորվեգիայի պաշտպանության նախարար Գրետե Ֆարեմոն: