Թուրքիան պատրաստ է Սիրիայի քրդերի դեմ նոր ռազմական գործողության անցկացմանը. Էրդողան

Թուրքիայի նախագահ Ռեջեփ Թայիփ Էրդողանը  Известия-ի պարբերականի հետ զրույցում հայտարարել է, որ Թուրքիան կարող է նոր  ռազմական գործողություն անցկացնել Սիրիայի հյուսիսում և անգամ իր վերահսկողության գոտում ներառել Մանբիջ և Ռաքքա քաղաքները`թույլ չտալու համար այնտեղ քրդական պետության ստեղծումը։

Նրա խոսքերով` Անկարան թույլ չի տա, որ Սիրիայի հյուսիսում քրդական պետություն ստեղծվի և պատրաստ է «չնչին սպառնալիքի» դեպքում ևս մեկ մասշտաբային գործողություն անցկացնել:

«Այսօր Սիրիայում բացասական գործընթացներ են տեղի ունենում: Եթե մեր սահմաններին վտանգ սպառնա՝ մենք կարձագանքենք այնպես, ինչպես «Եփրատի վահան» գործողության ժամանակ», - ասել է Էրդողանը։