ԱՄՆ-ն շարունակելու է Սիրիայի քրդերի զինպատրաստությանն ուղղված աշխատանքները. ամերիկացի ռազմական գործիչ

ԱՄՆ գլխավոր շտաբի պետ Ջոզեֆ Դանֆորդը հայտարարել է, որ ԱՄՆ-ն շարունակելու է Սիրիայի քրդական խմբավորումների զինպատրաստությանն ուղղված աշխատանքները, քանի որ, ըստ նրա, թեև «Իսլամական պետություն»-ը ոչնչացվել է  Սիրիայի տարածքում, այնուհանդերձ, միջազգային ասպարեզում շարունակում է վտանգ ներկայացնել. հաղորդում է artigercek.com կայքը:

ԱՄՆ Ներկայացուցիչների պալատի զինված ուժերի հանձնաժողովում Սիրիայում առկա վիճակի մասին խոսելով` Դանֆորդը նշել է. «Հատկապես նպատակ ունենք ապահովել Սիրիայում ռազմական գործողությունների շարունակականությունը: Դա ենթադրում է Սիրիայի ժողովրդավարական ուժերի հետ մինչև վերջ պայքարը ԻՊ-ի դեմ»: