Գյումրի—Կարս. ի՞նչ են թաքցնում Փաշինյանն ու Միրզոյանը

Հայաստանի և Թուրքիայի միջև երկաթուղու վերագործարկման շուրջ բանակցությունները, որոնք վարում է համատեղ աշխատանքային խումբը, վերածվում են ավելի լայն գործընթացի: Այսօր Արարատ Միրզոյանը փաստացի հաստատեց, որ Երևանն ու Անկարան ոչ միայն տրանսպորտային հաղորդակցություն են վերականգնելու, այլև պատրաստվում են ուսանողական փոխանակումներին և կրթաթոշակային ծրագրերին:

Զուգահեռ՝ թուրքական լրատվամիջոցները հաղորդում են, որ ցամաքային սահմանի բացումը կարող է տեղի ունենալ արդեն մինչև հունիսյան ընտրությունները: Տեղեկությունը չի հերքվում Երեւանի կողմից:

Քաղաքական փորձագետները նշում են. իշխանությունը, զգալով ընտրողների աճող անվստահությունը, փորձում է ընտրություններից առաջ «հերթական հաջողությունը» ներկայացնել որպես դիվանագիտական ձեռքբերում: Սակայն իրականում խոսքը գնում է ռազմավարական ենթակառուցվածքների հանձնման մասին՝ առանց անվտանգության երաշխիքների: