Պուտինի և Թրամփի հանդիպումը մոտ ժամանակներում չի կայանա, սակայն շփումները շարունակվում են. Ուշակով

Վլադիմիր Պուտինի և Դոնալդ Թրամփի հանդիպումը մոտ ժամանակներում չի կայանա, սակայն շփումները շարունակվում են, հայտարարել է ՌԴ նախագահի օգնական Յուրի Ուշակով, փոխանցում է «Коммерсантъ»-ը։

«Համաձայնեցվել էր հանդիպում Բուդապեշտում, հետո հանդիպումը որոշ ժամանակով հետաձգվեց, — ասել է Ուշակովը Պավել Զարուբինին տված հարցազրույցում։ — Այդ հարցով շփումները շարունակվում են»։

Յուրի Ուշակովը նշել է, որ Մոսկվան և Վաշինգտոնը ակտիվորեն քննարկում են ուկրաինական կարգավորումը՝ Անքորիջում ձեռք բերված նախնական պայմանավորվածությունների հիման վրա։ Դրանք շարունակում են մնալ ուժի մեջ, և ԱՄՆ կողմից պաշտոնական ծանուցում չի եղել այն մասին, որ դրանք այլևս չեն գործում, հավելել է նախագահի օգնականը։

Այն մասին, որ «այդ փոխըմբռնումները շարունակում են գործել, և դրանցից ոչ ոք չի հրաժարվել», Ուշակովը հայտարարել էր նաև ընթացիկ շաբաթվա սկզբին։