Ագրեսոր պետությունը շարունակում է առաջ քաշել իր պահանջները

Թշնամի երկրի արտգործնախարարությունը պնդում է, որ Ադրբեջանը մտադիր չէ անտեսել Հայաստանի Սահմանադրության մեջ մնացած «տարածքային պահանջները» (չակերտները՝ խմբ․), ինչպես նաև ԵԱՀԿ Մինսկի խումբը և նրա տարբեր կառույցները պահպանելու փորձերը։

Ինչ վերաբերում է «պատերազմական հանցագործությունների», «էթնիկ զտումների», «խոշտանգումների» և այլ «ծանր հանցագործությունների» համար մեղադրվող հայ գերիներին ազատ արձակելու կոչերին, հիշեցնում ենք, որ նրանց գործերը դիտարկվում են միջազգային և ազգային օրենսդրության շրջանակներում, ինչը Ադրբեջանի իրավունքն ու պարտականությունն է»,- ասված է Ադրբեջանի ԱԳՆ հաղորդագրության մեջ։

Ագրեսոր երկիրը նշում է, որ եթե Հայաստանն իսկապես շահագրգռված է առկա հումանիտար խնդիրների լուծմամբ, ապա պետք է ապահովի ադրբեջանցիների՝ «իրենց տները» վերադառնալու իրավունքը, ինչպես նաև տեղեկատվություն տրամադրի առաջին պատերազմում անհայտ կորած մոտ 4000 ադրբեջանցիների ճակատագրի մասին և հանձնի ականապատ տարածքների քարտեզները։