Whatsapp-ը փոխել է ինտերֆեյսը

WhatsApp մեսենջերի բետա տարբերակում փոխվել է չաթի ցուցակի ինտերֆեյսը, հայտնում է WABetaInfo պորտալը։

Մասնավորապես, նոր կոճակ է հայտնվել, որը նախատեսված է չաթերի ֆիլտրման համար։ Ներկայումս հասանելի է չորս ֆիլտր՝ չընթերցված հաղորդագրություններ, կոնտակտների ցանկից օգտատիրոջ հետ չաթեր, նամակագրություն անհայտ համարների հետ եւ խմբեր:

Գործառույթն արդեն հասանելի է WhatsApp Business-ում Android-ով եւ iOS-ով բիզնես էջերի համար: Դեռ հայտնի չէ, թե կոճակը երբ կհայտնվի մեսենջերի հիմնական տարբերակում։

Մեսսենջերը կունենա նաեւ խմբային հարցումներ ստեղծելու հնարավորություն։ Դրանցում կարելի է 2-ից մինչեւ 12 պատասխանի տարբերակ ավելացնել:
Արտաքին տեսքն ու քվեարկություններ ստեղծելու եղանակը դեռ չեն բացահայտվում։ Հաղորդվում է, որ դրանք կաջակցեն թափանցանց կոդավորման ֆունկցիան, եւ երրորդ կողմերից ոչ մեկը չի իմանա քվեարկության բովանդակության մասին։