«Հաղթելու ենք». Բլինքենը` ուկրաինացիներին

ԱՄՆ պետքարտուղար Էնթոնի Բլինքենը տեսաուղերձ է հրապարակել՝ ուղղված ուկրաինացիներին, որում ընդգծել է «նրանց անհավանական վճռականությունն ու քաջությունը»։

«Ուկրաինացի ժողովո՛ւրդ, թույլ տվեք միայն ասել, որ դուք ոգեշնչում եք աշխարհին։ Մենք դա զգում ենք աշխարհի բոլոր անկյուններում: Մենք տեսնում ենք ձեր անհավանական քաջությունը, ձեր տոկունությունը, ձեր վճռականությունը: Դա ոգեշնչող է»,- ասել է ԱՄՆ պետքարտուղարը։

Բլինքենի խոսքով՝ ուկրաինացիներն ամրապնդում են Արևմուտքի հավատը ժողովրդավարության, ազատության, ագրեսիան հաղթելու՝ աշխարհի կարողության նկատմամբ:

«Մենք դա հաստատում ենք, քանի որ դուք եք հաստատում դա։ Դուք ցույց եք տալիս դա, ցույց եք տալիս ամբողջ աշխարհին։ Եվ ամբողջ աշխարհը ձեզ հետ է: Պահպանեք հավատքը, մենք նույնը կանենք: Եվ վերջում մենք ու դուք հաղթելու ենք»,- ասել է նա։