Մահացել է ՀՅԴ Սպիտակի կոմիտեության անդամ Ֆելիքս Ափուջանյանը

Խոր վշտով գուժում ենք ՀՅԴ Սպիտակի «Սողոմոն Թեհլիրյան» կոմիտեության անդամ՝ ընկեր Ֆելիքս Ափուջանյանի մահը և ցավակցում ընտանիքին, հարազատներին, ընկերներին։

Ֆելիքս Ափուջանյանը եղել է ծննդավայր Արևաշողի առաջին գյուղապետը, մեծ ծավալի աշխատանքներ է տարել ՏԻՄ մարմինների կայացման, երկրաշարժի հետևանքների վերացման, վերականգնողական աշխատանքների իրականացման, գյուղի գազիֆիկացման, բնակարանաշինության ծավալման, մարզադաշտի կառուցման, սոցիալական ու տնտեսական այլ ծրագրերի կենսագործման ուղղությամբ։

Հոգեհանգիստը տեղի կունենա հունվարի 25-ին Սպիտակի շրջանի Արևաշող գյուղում, հուղարկավորությունը՝ հունվարի 26-ին՝ ժամը 13:00-ին, նույն գյուղում՝ տոհմական գերեզմանոցում:  

ՀՅԴ Լոռու Մարզային կոմիտե

ՀՅԴ Սպիտակի «Սողոմոն Թեհլիրյան» կոմիտե