Ղրղզստանում ռուսաց լեզուն կմնա որպես պաշտոնական

Ղրղզստանի Սահմանադրական ժողովը պահպանել է ռուսաց լեզվի պաշտոնական կարգավիճակը: Այս մասին ճեպազրույցում ասել է Սահմանադրական ժողովի «Մարդու և քաղաքացու իրավունքներն ու ազատությունները» բաժնի ղեկավար Նուրլան Շերիպովը:

Ըստ նրա՝ ղրղզերեն լեզուն կմնա որպես պետական լեզու, իսկ ռուսերենը՝ հանրապետության պաշտոնական լեզու: Շերիպովը հավելել  է, որ առաջարկներ կային նաև անգլերեն լեզվին կարգավիճակ տալու վերաբերյալ: «Մենք համարում էինք, որ այս մասում Սահմանադրության ձևակերպումը նույնը կմնա»,- բացատրել է բաժնի ղեկավարը:

Նոյեմբերի 26-ին ՂրղզստանիՍսահմանադրական ժողովի անդամ Սադիրդին Տորալիևը առաջարկել էր Սահմանադրությունից հանել ռուսաց լեզվի պաշտոնական կարգավիճակի մասին դրույթը: