Նոր առաջարկ Գերմանիայի կառավարությունում. կստեղծվի՞ առողջապահական ՆԱՏՕ

Գերմանիայի առողջապահության նախարար Յենս Շպանը հանդես է եկել միասնական համաեվրոպական միություն ստեղծելու առաջարկով, որը կցուցաբերի փոխօգնություն ճգնաժամային իրավիճակների ժամանակ, ինչպիսին է կորոնավիրուսային վարակը. այս մասին գրում է Gazeta-ն՝ Rheinische Post թերթին հղումով։

Նա նշել է միասնական կառույցներ ստեղծելու անհրաժեշտությունը, որոնցով կկարողանային օգտվել բժիշկները։ Այդ կառույցները, ըստ նախարարի, թույլ կտան ցուցաբերել արդյունավետ ու արագ օգնություն ռեսուրսները մոբիլիզացնելու հաշվին։

«Նոր միությունը կարող է լինել ինքնատիպ ՆԱՏՕ առողջապահության ոլորտում»,- հստակեցրելլ է Շպանն ու միևնույն ժամանակ հետաքրքրվածություն է հայտնել Հիվանդությունների վերահսկողության և կանխարգելման եվրոպական կենտրոնի գործունեությունն ընդլայնելու հարցում այն վարակաբանության համաեվրոպական ուրույն ինստիտուտի վերածելու համար։