Սպասվում է համաճարակ ու մեր պարտքն է դիմակայել դրան. Մակրոն

Ֆրանսիայի նախագահ Էմանուել Մակրոնը հայտարարություն է տարածել այն մասին, որ կորոնավիրուսի համաճարակն առջևում է ու դրան անհրաժեշտ է հակազդել, հայտնում է Yerkir.am-ը՝ ՌԻԱ «Նովոստի»-ին հղումով:

Նշվում է՝ Մակրոնը նման հայտարարություն է տարածել այն բանից հետո, երբ այցելել է Փարիզի հիվանդանոցներից մեկը, որտեղ մահացել է կորոնավիրուսով վարակված ֆրանսիացին:

«Սպասվում է համաճարակ. մեր պարտքն է դրան դիմակայել»,- ընդգծել է նա:

Հիշեցնենք՝ այս պահի դրությամբ նոր տեսակի կորոնավիրուսով աշխարհում վարակվել է 82 206 մարդ. նրանցից՝ 21 973-ն առողջացել է, և մահացել՝ 2 804-ը:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին: