ԻՊ-ը կարող է հիմնավորվել Ադրբեջանում. Փաշինյան

ՀՀ վարչապետ Նիկոլ Փաշինյանը հայտարարել է, որ ԼՂ հակամարտության  շփման գծում լարվածության սրումը կարող է ծայրահեղական իսլամիստների համար «շատ լավ առիթ դառնալ հիմնավորվելու համար, օրինակ՝ Ադրբեջանում»: Այս մասին Փաշինյանն ասել է ռուս լրագրողների հետ զրույցում. հայտնում է Лента.ру-ն:

Վարչապետի խոսքով՝ Սիրիայում և Իրաքում «Իսլամական պետություն» ահաբեկչական խմբավորման գրոհայինների պարտությունից հետո իսլամիստները «նոր վայրեր են փնտրում, որտեղ կարող են դրսևորել իրենց»: Ըստ նրա` Ադրբեջանը շատ հարմար վայր է, որը թույլ կտա գործել Իրանի, ռուսական Հարավային Կովկասի և Կենտրոնական Ասիայի ուղղությամբ:

Փաշինյանի խոսքով` դա գիտակցում  են ոչ միայն Երևանում, այլև Մոսկվայում, Բաքվում և Թեհրանում: