Շատ վտանգավոր տեղ եք մտնում՝ Քարդաշյանին ձեզ ասոցացնելու ցանկությամբ. Գրիգոր Մինասյանը՝ «Երկիր ծիրանի»-ին

Տեղեկացրել էինք, որ այսօր Երևանի ավագանու նիստում«Երկիր ծիրանի»-ն առաջարկեց Քիմ Քարդաշյանի անունով ցուցատախտակ փակցնել Երևանում: Փոխարենը, ըստ խմբակցության անդամ Մարինե Խաչատրյանի, յուրաքանչյուր հայի համար ապտակ է Անդրանիկ Մարգարյանի հիշատակին նվիրված ցուցատախտակը:

ՀՀԿ ավագանու անդամ Գրիգոր Մինասյանը հակադարձեց Խաչատրյանի հայտարարությանը՝ նշելով, որ իրականում «Երկիր ծիրանին» փորձում է ամեն ինչին դեմ խոսել, մինչդեռ քվեարկության ժամանակ կողմ է լինում:

«Բացասական տոնայնությամբ խոսում են, վերջում կողմ են քվեարկում: Ինչ վերաբերում է Քիմ Քարդաշյանին ձեզ հետ ասոցացնելու ցանկությանը, շատ վտանգավոր տեղ եք մտնում: Հասկանալի է, որ ձեր խմբակցության ղեկավարը և Քիմ Քարդաշյանը հիմա նույն հողի վրա են, և դուք էլ եք երևի ցանկանում այնտեղ գտնվել, բայց ձեր դեպքում կարող է մի  պիտակ կպնել, որից դժվար կլինի ազատվել»,- ասաց Մինասյանը: