Սպասվում է կարճատև անձրև և ամպրոպ

Հուլիսի 3-ին հանրապետության առավելապես հյուսիսային շրջաններում, հուլիսի 4-7-ին շրջանների զգալի մասում գիշերվա առաջին կեսին և երեկոյան ժամերին սպասվում է կարճատև անձրև և ամպրոպ, առանձին վայրերում հնարավոր է կարկուտ:

Քամին հարավ-արևելյան է` 5-10մ/վրկ, ամպրոպի ժամանակ սպասվում է քամու ուժգնացում` 18-23 մ/վրկ: Օդի ջերմաստիճանն էապես չի փոխվի:

Երևանում հուլիսի 3-ին` երեկոյան ժամերին, հնարավոր է ամպրոպ, կա կարճատև անձրևի հավանականություն: Հուլիսի 4-7-ին` գիշերվա առաջին կեսին և երեկոյան ժամերին, սպասվում է կարճատև անձրև և ամպրոպ, ամպրոպի ժամանակ` քամու ուժգնացում` 15-20 մ/վրկ արագությամբ:

Եղանակի տեսությանն ավելի մանրամասն կարելի է ծանոթանալ այստեղ: