Մոսկվան անհանգստացած է Սիրիայի շուրջ կատարվող իրադարձություններից

Մոսկվան անհանգստացած է Սիրիայում քիմիական զենքի կիրառման մասին շարունակ շրջանառվող լուրերից եւ դա համարում է այդ երկիր միջազգային ներխուժում ապահովելու կանխանշան. հայտարարել է ՌԴ արտգործնախարարությունը:

«Վերջին օրերին կտրուկ սրվել է իրադրությունը Սիրիայում եւ դրա շուրջ: Մի շարք արաբական եւ այլ միջազգային ԶԼՄ-ների հրապարակումներում բազմաթիվ մեկնաբանություններ են հայտնվել կառավարական եւ ընդդիմադիր ուժերի դիմակայության ընթացքում քիմիական զենքի կիրառման վերաբերյալ: Կանխանշանները, որ համաշխարհային հանրությունը ուժային միջամտություն է նախապատրաստում Սիրիայում ձգձգված ներքին հակամարտությանը, լուրջ մտահոգություն են առաջացնում»,- ըստ Интерфакс-ի` ասվում է ՌԴ ԱԳՆ պաշտոնական ներկայացուցիչ Ալեքսանդր Լուկաշեւիչի հայտարարության մեջ: