Ընդդեմ Մարտի 1-ի ոճիրի բացահայտման

23.03.2013

Թե' իշխանությունը, թե' ընդդիմությունը, թե' հանրությունը 2008-ից ի վեր կարեւոր են համարում Մարտի 1-ի հայտնի ողբերգական իրադարձությունների ամբողջական բացահայտումն ու մեղավորներին արդարադատության առաջ կանգնեցնելը՝ 10 զոհի մահվան հանգամանքների բացահայտված չլինելը խարան դիտելով մեր պետության ճակատին: Բայց պարզվում է, որ կան մարդիկ, այն էլ՝ մտավորական շրջանակներից, ովքեր դեմ են ոճրագործության բացահայտմանը:

ՀՀ մշակույթի վաստակավոր գործիչ Մարտին Վարդազարյանը, ասուլիսում պատասխանելով հարցին, թե ինչ կասի 2008-ի մարտի 1-ի 10 զոհերի փաստի առթիվ, ասել է. «Մի կողմից կարելի է ասել՝ ինչո՞ւ չի բացահայտված, մյուս կողմից էլ կարելի է ասել, որ սա իմաստուն քայլ է, որ չի բացահայտվում, որովհետեւ լրացուցիչ հակադրում կառաջացնի»: