Ամերիկացի գործարարը բեն Լադենի թաքստոցի բացահայտման դիմաց 25 մլն դոլարի պարգեւատրում է պահանջում

ԱՄՆ Միչիգան նահանգից գործարար Թոմ Լին հայտարարել է, որ ԱՄՆ իշխանություններին բեն Լադենի սպանությունից մի քանի տարի առաջ է հաղորդել էնրա գտնվելու վայրը. հայտնում է Аргументы и факты-ն: Լին իշխանություններից դրա դիմաց 25 մլն դոլարի պարգեւատրում է պահանջում:

Այդ կապակցությամբ Հետաքննությունների դաշնային բյուրոյի ղեկավար Ջեյմս Կոմիին նամակ է գրվել Loevy &Loevy իրավաբանական ընկերության կողմից: Նամակում նշվում է, որ Թոմ Լին պակիստանյան հետախուզության աշխատակիցներից մեկից է տեղեկություն ստացել, որ ահաբեկիչը թաքնվում է Աբոտաբադ քաղաքում, եւ 2003 թվականին այդ մասին հայտնել է ամերիկյան իշխանություններին: