Պուտինն այցելել է բուրյաթցի Մոխրոտիկին

ՌԴ վարչապետ Վլադիմիր Պուտինը մեկնել է բուրյաթական Տուգնույ գյուղ` Դաշա Վարֆոլոմեեւային հյուր, որն իր հետ հեռուստակամրջով խոսել էր երեք տարի առաջ. տեղեկացնում է «Նովոստի» գործակալությունը: 

Աղջիկը բողոքել էր աղքատությունից եւ Նոր տարվա նվեր էր խնդրել` Մոխրոտիկի զգեստ: Այն ժամանակ աղջիկը նվերը ստացել էր, իսկ ավելի ուշ Պուտինը նրան ընտանիքի հետ հրավիրել էր Մոսկվա:

Վարֆոլոմեեւները պատմել էին Տուգնույի ծանր կյանքի մասին: Այդ հանդիպումից հետո վարչապետը հաստատել էր այդ գյուղում կրթամշակութային եւ սպորտային համալիրի կառուցման ծրագրերը:

Իսկ այս տարվա հուլիսի 1-ին Տունգույ այցի ժամանակ Պուտինը հյուրընկալվել է Վարֆոլոմեեւներին: Նրան թեյ եւ բուրյաթական կերակուրներ են հյուրասիրել:  Այնուհետեւ վարչապետն այցելել է նորակառույց դպրոցը, որն ունի գրադարան, սպորտային դահլիճ եւ հրապարակ: