Ֆրանսիայում խորհրդարանական ընտրություններ են. մասնակցությունը ռեկորդային բարձր է

Այսօր Ֆրանսիայում ընթանում է խորհրդարանական ընտրությունների առաջին փուլը, որը պատմություն կերտելու հնարավորություն ունի. ծայրահեղ աջերն առաջին անգամ կառավարություն ձևավորելու հնարավորություն ունեն։

Եվրոպական ընտրություններում խոշոր հաղթանակից հետո Մարին Լը Պենի և Ջորդան Բարդելի «Ազգային միավորումը» ընտրություններում զգալիորեն առաջ է անցել գործող նախագահ Էմանուել Մակրոնի կուսակցությունից։

Ընտրություններին մասնակցությունը ռեկորդային բարձր է՝ ժամը 12-ի դրությամբ մասնակցությունը կազմել է 25,9%:

Ընտրություններն անցկացվում են երկու փուլով, Ազգային ժողովի 577 մանդատների մեծ մասի ճակատագիրը հավանաբար կորոշվի հաջորդ կիրակի երկրորդ փուլով: