Հունգարիան երբեք զորքեր և զենք չի ուղարկի Ուկրաինա

Հունգարիան զենք չի տրամադրի Ուկրաինային և իր զինվորականներին չի ուղարկի այնտեղ։ Բուդապեշտի համար դա կարմիր գիծ է։ Այս մասին լրագրողներին հայտնել է երկրի արտաքին գործերի նախարար Պիտեր Սիյարտոն։

«Հունգարիայի դիրքորոշումը շատ հստակ է՝ սա կարմիր գիծ է մեզ համար։ Մենք երբեք զենք չենք մատակարարել Ուկրաինային։ Մենք զենք չենք մատակարարում, զինվորականներ չենք ուղարկում»,- ասաց նա։

«Ինչո՞ւ մենք պետք է դա անենք: Ես պատասխանատու եմ միայն Հունգարիայի, Հունգարիայի կառավարության դիրքորոշման համար, որը շատ պարզ է՝ մենք զենք չենք ուղարկում և զորքեր չենք ուղարկում»,- ասել է Սիյարտոն։

Հունգարիայի արտաքին գործերի նախարարն առաջարկել է անձամբ Ֆրանսիայի ղեկավարին հարց տալ Ֆրանսիայի նախագահ Էմանուել Մակրոնի՝ Ուկրաինա զորքեր ուղարկելու հնարավորության մասին հայտարարությունների վերաբերյալ։