ԱՄՆ քաղաքացիներին տրված՝ Ուկրաինան լքելու խորհուրդը չի նշանակում վստահություն, որ ռուսական «ներխուժում» կլինի. Բլինքեն

ԱՄՆ պետքարտուղար Էնթոնի Բլինքենը հայտարարել է, որ ԱՄՆ քաղաքացիներին տրված՝ Ուկրաինան լքելու հանձնարարականը չի նշանակում, որ ԱՄՆ վարչակազմը վստահ է, թե հանրապետության տարածք «ներխուժում» կարող է իրականացվել. հաղորդում է ՏԱՍՍ-ը։

«Այս որոշման հիմքում ընկած էր միայն մեկ գործոն՝ մեր գործընկերների և նրանց ընտանիքների անվտանգությունը։ Եվ հաշվի առնելով Ուկրաինայի սահմաններին ռուսական ռազմական ուժերի շարունակվող զանգվածային կուտակումը, որն ունի ներխուժման նախապատրաստման բազմաթիվ նշաններ, այս քայլերը խելամիտ էին»,- ասել է նա:

Բլինքենը հավելել է, որ Ուկրաինայի շուրջ իրադարձությունների հետագա զարգացումը կախված է Ռուսաստանից։