ՌԴ Դաշնային խորհուրդը հաստատել է 85 տարածաշրջանների դրական եզրակացությունը՝ տրված սահմանադրական փոփոխություններին

ՌԴ Դաշնային խորհրդի արտահերթ նիստում այսօր՝ մարտի 14-ին, որոշում է կայացվել Ռուսաստանի տարածաշրջանների խորհրդարանների կողմից Սահմանադրության մեջ փոփոխությունների մասին օրինագծի քննարկումների արդյունքների մասին: Այդպիսով՝ ՌԴ խորհրդարանի վերին պալատը հաստատել է  բոլոր 85 տարածաշրջանների դրական եզրակացությունը՝ տրված փաստաթղթին: Կողմ է քննարկել 164 սենատոր, դեմ՝ 1-ը, ձեռնպահներ չեն եղել. տեղեկացնում է yerkir.am-ը՝ ՏԱՍՍ-ին հղումով:

Նախագահական օրինագիծը ընդլայնում է խորհրդարանի լիազորությունները, սահմանափակումներ սահմանում բարձրաստիճան պաշտոնյաների համար, նաև նախատեսում է երկու նախագահական ժամկետից ոչ ավելի: Ընդ որում ՝ պետության գործող ղեկավարը փոփոխության ՝ ուժի մեջ մտնելուց հետո կարող է դարձյալ առաջադրվել երկրի նախագահի պաշտոնում:

Դաշնային խորհրդի կողմից հաստատվելուց հետո փաստաթուղթն ուղարկվում է Սահմանադրական դատարան:

Համառուսաստանյան քվեարկությունը նախատեսված է ապրիլի 22-ին: