ԱՀԿ-ն հաստատել է կորոնավիրուսի յոթերորդ պատվաստանյութը

Առողջապահության համաշխարհային կազմակերպությունը թույլատրել է կիրառել  կորոնավիրուսի դեմ հնդկական Covaxin պատվաստանյութը։ Այս մասին կազմակերպությունը հայտնել է Twitter-ում։

ԱՀԿ-ն նշել է, որ դեղամիջոցի արդյունավետությունը 78% է, որը ձեռք է բերվում երկրորդ դեղաչափից 2 շաբաթ կամ ավելի օրեր անց: Կազմակերպությունը նաև նշել է, որ պատվաստանյութը հարմար է «ցածր և միջին եկամուտ ունեցող երկրների համար՝ պահպանման պարզ պահանջների պատճառով»։

Ավելի վաղ ԱՀԿ-ն թույլատրել էր նաև Pfizer/BioNTech, Janssen-ի պատվաստանյութերըը, դեղամիջոցի երկու տարբերակ AstraZeneca-ից, ամերիկյան Moderna ընկերության մշակածը, չինական Sinopharm-ը և Sinovac-ը: