Սիրիայում սպանվել է «Հըզբոլլահ»-ի հրամանատարներից մեկը

«Հըզբոլլահ»-ը պաշտոնապես հաստատել է, որ իր դաշտային հրամանատար Իմադ ալ Ամինը սպանվել է Սիրիայի արևմուտքում. հայտնում է NEWSru.co.il-ը:

Խմբավորումը չի ասել, թե ինչ հանգամանքներում է դա տեղի ունեցել: Սակայն ավելի վաղ արաբական լրատվամիջոցները հայտնել էին, որ ալ Ամինը իսրայելական վերջին հարվածի զոհ է դարձել, ինչպես Սիրիայում գործող իրանամետ աշխարհազորայինների՝ «Լիվա Ֆաթիմիյուն»-ի հրամանատար Ահմադ Քուրեյշին:

Հրապարակման մեջ նշվում է, որ Քուրեյշին, որը ծնվել է Իրանի հյուսիսում և ծառայել Իսլամական հեղափոխության պահապանների կորպուսում, ենթակա էր ԻՀՊԿ «Ալ Քուդս» ստորաբաժանման հրամանատար գեներալ Ղասեմ Սոլեյմանիին: Նա Սիրիայում կռվել էր 2013 թվականից: