Բուլղարիան մեղադրում է "Հըզբոլլահ"-ին

Բուլղարիայի Բուրգաս քաղաքի սեւծովյան հանգստավայրերից մեկում տեղի ունեցած ահաբեկչության համար երկրի կառավարությունը մեղադրում է Լիբանանի «Հըզբոլլահ» շարժմանը, հաղորդում է BBC-ն: Երկրի ներքին գործերի նախարար Ցվետան Ցվետանովի խոսքով` վեցամսյա հետաքննությունը ցույց է տվել, որ կա ակնհայտ կապ շարժման հետ:

Դեպքը տեղի էր ունեցել 2012թ. հուլիսին, երբ մահապարտ ահաբեկիչը գործի էր դրել ավտոբուսին ամրացված պայթուցիկ սարքը, ինչի հետեւանքով զոհվել էին վարորդը եւ 5 իսրայելցիներ:

Իսրայելը մեղադրել էր «Հըզբոլլահ»-ին եւ Իրանին: Թեհրանը հերքել էր մեղադրանքները, իսկ շարժման որեւէ անդամ հայտարարություն չէր արել: