Տիմոշենկոն կանխատեսել է Ուկրաինայի տարածքների մեծ մասի կորուստ

«Բատկիվշչինա» կուսակցության առաջնորդ Յուլյա Տիմոշենկոն կանխատեսել է, որ Ուկրաինան կկորցնի իր տարածքի մեծ մասը: Այս մասին նա հայտարարել է Գերագույն ռադայում. հաղորդում է «ՌԻԱ Նովոստին»:

Նրա խոսքով՝ հուլիսի 1-ից երկրում ուժի մեջ կմտնի օրենք հողամասի վաճառքի մորատորիումը վերացնելու մասին, որը հնարավորություն կտա օտարերկրյա ներդրումներով բանկերին տիրապետելու և շահագործելու գյուղատնտեսական նշանակության հողեր:

Պատգամավորը նշել է, որ պետությունն իրականում բացառվելու է ցանկացած գործառույթից, որը վերահսկում է հողի օգտագործումը, և ցանկացած բնապահպանական հսկողություն արգելվելու է:

Միևնույն ժամանակ, նա շեշտել է, որ գյուղատնտեսական նշանակության հողերի տերերին թույլատրվում է ցանկացած վանդալիզմ, նրանք նույնիսկ կկարողանան հեռացնել  հողի վերգետնյա շերտը: «Հուլիսի 1-ից մեր երկիրը՝ Ուկրաինայի տարածքի 72 տոկոսը, կսկսի հեռանալ»,- ամփոփել է քաղաքական գործիչը: