Լավրովն ու Բլինքենը քննարկել են Հայաստանի և Ադրբեջանի միջև առկա հակամարտությունը

Հայաստանի և Ադրբեջանի միջև հակամարտության կարգավորման հարցը քննարկվել է ԱՄՆ պետքարտուղար Էնթոնի Բլինքենի և ՌԴ արտգործնախարար Սերգեյ Լավրովի հանդիպման ընթացքում՝ միջազգային օրակարգի այլ թեմաների հետ միասին: Այս մասին, ըստ ՏԱՍՍ-ի, ասվում է ԱՄՆ պետդեպարտամենտի մամուլի ծառայության ղեկավար Նեդ Փրայսի շրջանառության մեջ դրված հայտարարության մեջ։ Հանդիպումը տեղի է ունեցել Ռեյկյավիկում՝ Արկտիկայի խորհրդի նախարարների նստաշրջանի շրջանակներում, և տևել է գրեթե երկու ժամ:

«Նրանք քննարկել են նաև տարածաշրջանային խնդիրներ, ներառյալ՝ Հայաստանի և Ադրբեջանի միջև հակամարտության երկարաժամկետ քաղաքական կարգավորման որոնումը»,- նշել է դիվանագետը: