Ղրղզստանի նախկին նախագահ Ալմազբեկ Աթամբաեւը հանձնվել է իրավապահներին

Ղրղզստանի նախկին նախագահ Ալմազբեկ Աթամբաեւը  ձերբակալվել է, տեղեկացնում է РИА НОВОСТИ-ն:

«Երկար բանակցություններից հետո նա որոշեց հանձնվել, նրան տեղափոխել են Բիշքեկ», - տեղեկացրել է աղբյուրի զրուցակիցը:

Տեղեկացրել էինք՝ ուժայինները Կոյ-Տաշ գյուղում նրա նստավայրը գրոհելու եւս մեկ փորձ են ձեռնարկել: Հաղորդվում է, որ հատուկ նշանակության ջոկատի մեքենան  սկսել է հարվածել դարպասներին, իսկ նստավայրի մոտ հրաձգություն է լսվել:

Վերջին տեղեկությունների համաձայն, գործողության ընթացքում զոհվել է հատուկ նշանակության ջոկատի մեկ զինծառայող, վիրավորվել է 80 մարդ: Գլխավոր դատախազությունը քրեական գործ է հարուցել «Զանգվածային անկարգություններ» և «Խուլիգանություն» հոդվածներով: