Ղրղզստանի խորհրդարանը երկրի նախկին նախագահ Ալմազբեկ Աթամբաևին զրկել է անձեռնմխելիությունից

Ղրղզստանի խորհրդարանը երկրի նախկին նախագահ Ալմազբեկ Աթամբաևին զրկել է անձեռնմխելիությունից. հայտնում է РИА Новости-ն: Որոշմանը կողմ է քվեարկել 110 պատգամավորից 103-ը:

 Նախորդ շաբաթ երկրի  խորհրդարանը դատախազությանն էր հանձնել նախկին նախագահի հասցեին մի շարք մեղադրանքներ, որոնք պատրաստվել էին հատուկ պատգամավորական հանձնաժողովի կողմից:

Խորհրդարանականների վարկածով՝ Աթամբաևը մեղավոր է Բիշքեկի ջերմաէլեկտրակայանի արդիականացման ժամանակ կոռուպցիայի, հողատարածքների ապօրինի վերափոխման և մի շարք այլ ապօրինի գործողությունների մեջ:

Երեքշաբթի դատախազությունն աջակցել է խորհրդարանական հանձնաժողովի մեղադրանքներին: