Ադրբեջանում դեռևս բազմաթիվ քաղբանտարկյալներ կան

Ադրբեջանի նախագահի` մարտին 16-ին ստորագրած հրամանագրից հետո, որով 50 քաղբանտարկյալ համաներմամբ ազատ արձակվեց, երկրում դեռևս 87 քաղբանտարկյալ կա: Այս մասին հաղորդում է Ադրբեջանի «Ազատություն քաղբանտարկյալներին» միության տարածած հայտարարությունը:

Ցուցակը կազմվել է միության համակարգողներ` Խաղաղության և ժողովրդավարության ինստիտուտի տնօրեն Լեյլա Յունուսի և Քաղբանտարկյալների մոնիթորինգի կենտրոնի ղեկավար Էլշան Հասանովի կողմից: 87 մարդ դասակարգվել է 7 խմբում:

«Լրագրողներ և բլոգերներ» խմբում կա 5, «Իրավապաշտպան» խմբում` 1, «Ընդդիմադիր կուսակցությունների և շարժումների անդամներ» խմբում` 7, «Ազգային անվտանգություն նախարարության (լուծարված 2015 թ.) հանցանքների զոհեր» խմբում`3, «Հավատացյալ»` 56, «Գերի»` 1, «Ցմահ դատապարտված»` 14 քաղբանտարկյալ. հաղորդում է «Թուրան» գործակալությունը:

Նշենք, որ Նովրուզի կապակցությամբ Իլհամ Ալիևը 400 կալանավորի համաներմամբ ազատ արձակելու հրամանագիր էր ստորագրել: