Ադրբեջանում ավելի շատ քաղբանտարկյալներ կան, քան Ռուսաստանում. ԱՄՆ սենատոր

ԱՄՆ սենատոր Ռիչարդ Դուրբինը հայտարարությամբ է հանդես եկել՝ կոչ անելով ԱՄՆ-ին` գլոբալ մարտահրավերների՝ Ուկրաինայի դեմ ագրեսիայի, «Իսլամական պետություն» խմբավորման դեմ պայքարի, Սիրիայում պատերազմի ֆոնին չմոռանալ նաև քաղաքական հիմնական ազատությունների համար պայքարի մասին. contact.az-ը։

«Ես խորապես մտահոգված եմ Ադրբեջանում իրավապաշտպանների նկատմամբ ճնշումներով։ Դա վտանգավոր միտում է, որը վերջին տարիներին ավելի է վատացել»,- ասել է նա:

Սենատորը նշել է, որ Ադրբեջանում, որի ղեկավար Ալիևը փորձում է օրինակելի պետության տպավորություն ստեղծել, ավելի շատ քաղբանտարկյալ կան, քան Ռուսաստանում ու Բելառուսում` միասին վերցրած: