Մարտակերտի մարզադաշտը վերակառուցվում է

Մարտակերտի Վիգեն Շիրինյանի անվան մարզադաշտում ընթացքի մեջ են շինարարական և բարեկարգման աշխատանքները:«Արցախպրես»-ի թղթակցի հետ զրույցում աշխատանքներն իրականացնող «Շինվեր Պլյուս» ընկերության տնօրեն Նորայր Հարությունյանն ասել է, որ մարզադաշտը ենթարկվել է ամբողջական թարմացման, հիմքից կառուցվում է նոր մասնաշենք, որտեղ կլինեն հանդերձարաններն ու լվացարանները:

«Մարզադաշտում տեղադրվելու են ավելի քան 2500 նստարաններ:  Այնտեղ ամեն ինչ արվելու է միջազգային չափանիշներին համապատասխան: Շինարարական աշխատանքները, որոնք սկսվել են դեռևս 2018 թվականի հունվար ամսին, նախատեսված է ավարտին հասցնել մինչև հունիսի 1-ը: Ծրագիրն իրականացվում է ԱՀ կառավարության և «Հայաստան» համահայկական հիմնադրամի համաֆինանսավորմամբ»,- ավելացրել է Ն. Հարությունյանը: