Ավստրիացին պայմանական ազատազրկման է դատապարտվել Հոլոքոստի հերքման համար

Ավստրիական Ֆելդկիրխ քաղաքում Հոլոքոստը հերքած տղամարդը 12 ամսվա պայմանական ազատազրկման է դատապարտվել. հայտնում է World Israel News-ը:

Իր ֆեյսբուքյան էջում նա գրել է, թե Հիտլերի հրամանով համակենտրոնացման ճամբարներում հրեաների զանգվածային սպանությունները հենց հրեաների հորինած պատմություններն են:

«Այդպիսով` ամբաստանյալը խախտել է Ավստրիայի հականացիստական օրենքները»,- ասվում է դատարանի վճռում:

Բացի այդ` տղամրադը մեղավոր է ճանաչվել նաև մուսուլմաններին վիրավորելու մեջ. նրանց «պարազիտներ» էր անվանել: Դրա համար էլ նա պետք է 1140 եվրոյի չափով տուգանք մուծի:

Գաղտնիության մասին ավստրիական օրենքի համաձայն` ամբաստանյալի անունը չի հրապարակվում: