Amnesty International-ը տեղեկություն ունի նաև ուկրաինական իշխանությունների կողմնակիցների իրականացրած առևանգումների մասին

Amnesty International իրավապաշտպան կազմակերպությունը տվյալներ է հրապարակել Ուկրաինայի արևելյան մասում ցույցերի մասնակիցների և լրագրողների առևանգումների ու նրանց տանջանքների ենթարկելու վերաբերյալ. հայտնում է BBC Russian‎-ը:

Կազմակերպության կազմած՝ «Առևանգումներ և կտտանքներ՝ Ուկրաինայի արևելքում» փաստաթղթում հարյուրավոր մարդկանց առևանգումների ապացույցներ են հավաքված:

Ըստ զեկույցի՝ առևանգումների մեծ մասն իրականացնում են զինված անջատողականները, ովքեր դաժանաբար ծեծում ու տանջում են գերիներին։ Սակայն իրավապաշտպանները տեղեկություններ ունեն նաև ուկրաինական իշխանությունների կողմնակիցների իրականացրած առևանգումների մասին: Այնուհանդերձ, այդ դեպքերն անհամեմատ ավելի քիչ են։