Amnesty International-ի կարծիքով` ադրբեջանցի լրագրողի ազատազրկումը քաղաքական պատճառներ ունի

Ադրբեջանի իշխանությունները պետք է ապահովեն լրագրող Ավազ Զեյնալիի գործի կրկնակի քննություն. նման հայտարարությամբ է հանդես եկել Amnesty International միջազգային իրավապաշտպան կազմակերպությունը այն բանից հետո, երբ դատարանը լրագրողին դատապարտել է 9 տարվա ազատազրկման:

«Դատարանն անարդարացի է գտնվել, իսկ մեղադրանքները քաղաքական ենթատեքստ են ունեցել, այդ իսկ պատճառով Զեյնալին պետք է ազատ արձակվի: Բոլոր հիմքերը կան` կասկածելու, որ լրագրողի հետապնդումներն ու ձերբակալությունը քաղաքականապես ուղղորդված են եղել»,- նշված է հայտարարության մեջ:

Զեյնալին, ով, ըստ Contact.az-ի, հանդես էր գալիս իշխանություններին և Ալիևին քննադատող հոդվածներով, դատապարտվել է դրամաշորթության համար: