Ղրղզստանն ու Ղազախստանը նոտաներ են հղել ՌԴ -ին. Ժիրինովսկին վիրավորել է նրանց

Ղրղզստանի և Ղազախստանի ԱԳՆ-ները նոտաներ են հղել ՌԴ ԱԳՆ-ին փետրվարի 23-ի հանրահավաքի ժամանակ Վլադիմիր Ժիրինովսկիի՝ Կենտրոնական Ասիայի պետությունները Ռուսաստանին միացնելու մասին  հայտարարությունների կապակցությամբ. հայտնում է ИТАР-ТАСС-ը:

«Վլադիմիր Ժիրինովսկին առաջին անգամ չէ, որ թույլ է տալիս անթույլատրելի արտահայտություններ, որոնք վիրավորում են ղրղզ ժողովրդի ազգային զգացմունքները»,- նշված է Ղրղզստանի ԱԳՆ-ի հայտարարության մեջ:

Ղազախստանի ԱԳՆ-ի հայտարարությունում  նշվում է, որ Ժիրինովսկիի հայտարարությունները չեն համապատասխանում երկու երկրների միջև ռազմավարական գործընկերության ոգուն:  ԱԳՆ-ն նշել է, որ այժմ քննարկվում է անձամբ Ժիրինովսկիի նկատմամբ դիվանագիտական բնույթի միջոցների ձեռնարկման հնարավորությունը: