Երկու դեսպան` Մեծ Բրիտանիայից

Ամուսիններ Ջոնաթան Ջեյմս Էյվսը եւ Քեթրին Ջեյն Լիչը նշանակվել են Հայաստանի Հանրապետությունում Միացյալ Թագավորության համատեղ դեսպաններ՝ հաջորդելով Չարլզ Ջոն Լոնսդեյլին, ով կանցնի դիվանագիտական մեկ այլ աշխատանքի. տեղեկացնում է դեսպանատան մամուլի ծառայությունը:

Նոր դեսպանները կստանձնեն իրենց պաշտոնը 2012 թվականի հունվարին, իսկ դեսպանի պարտականությունները նրանք կկատարեն 4-ամսյա հերթագայությամբ:

«Մենք ուրախ ենք, որ նշանակվել ենք Հայաստանում համատեղ դեսպաններ: Հավատում ենք, որ մեր միասնական եռանդով ու փորձով նոր լիցք կհաղորդենք ՄԹ եւ Հայաստանի միջեւ ավանդական ջերմ հարաբերություններին: Կարծում ենք, որ միասին աշխատելով` կարող ենք իրական ներդրում ունենալ մեր երկու երկրների բարեկեցության ու անվտանգության ապահովման գործում»,- ասել են ամուսինները: