Հերթական արյունահեղություն Թուրքիայում

Թուրքիայում երկու հարեւանների երեխաների միջեւ սկսված հերթական կռիվն այս անգամ արյունահեղությամբ է ավարտվել. «թեժ կռվի» ընթացքում սպանվել է 5  եւ տարբեր աստիճանի մարմնական վնասվածքներով հիվանդանոց է տեղափոխվել 12 մարդ

Դեպքը տեղի է ունեցել Շանլըուրֆայում: Շահին եւ Փեսեն ընտանիքներում երեխաների վեճին խառնվել են մեծահասակները եւ հնարավոր բոլոր տեսակի զենքերով` ինքնաձիգներով եւ ատրճանակներով «հաշիվ են մաքրել», ինչի արդյունքում էլ տեղի է ունեցել արյունահեղությունը:

Հաշվի առնելով այն հանգամանքը, որ սպանվածները նույն ընտանիքից են, չի բացառվում, որ վեճը կշարունակվի եւ ընտանիքի մնացած անդամները կփորձեն վրեժ լուծել սպանվածների համար: