Պուտինը կոչ է անում Օբամային` թույլ չտալ արյունահեղություն Ուկրաինայում

Կրեմլի մամուլի ծառայությունից հայտնում են, որ Ռուսաստանի նախագահ Պուտինն իր ամերիկացի գործընկերոջ հետ այսօր կայացած հեռախոսազրույցի ժամանակ անդրադարձել է ուկրաինական ճգնաժամին, հատկապես` Ուկրաինայի հարավարևելյան շրջաններում տեղի ունեցող իրադարձություններին: «Քննարկվել են Ուկրաինայի ճգնամային դրության տարբեր ոլորտներ, նախևառաջ` երկրի հարավարևելյան շրջաններում տեղի ունեցող իրադարձությունները: Նախագահ Պուտինը Բարաք Օբամային կոչ է արել առավելագույնս օգտագործել ամերիկյան կողմի ձեռքի տակ եղած հնարավորությունները` արյունահեղություն և ուժի կիրառում թույլ չտալու համար»,- ասվում է հաղորդագրությունում:

Նախագահները նաև որոշել են շարունակել դիվանագիտական համագործակցության ուղիներ որոնելու ջանքերը ապրիլի 17-ին կայանալիք քառակողմ (ՌԴ, ԱՄՆ, ԵՄ, Ուկրաինա) հանդիպմանն ընդառաջ: