"Ալ Քաիդա"-ն հարված է նախապատրաստում ԱՄՆ ենթակառուցվածքներին

ԱՄՆ իշխանությունները երկյուղում են, որ սեպտմբերի 11-ի նախաշեմին երկրի խոշոր ձեռնարկություններում զանգվածային գործողություններ կսկսվեն` սաբոտաժի տեսքով, որոնց կազմակերպիչները «Ալ Քաիդա»-ի կողմից ներդրված գործակալներն են. ասվում է ԱՄՆ Ազգային անվտանգության դեպարտամենտի զեկույցում:

ABC հեռուստաալիքը, վկայակոչելով այդ փաստաթուղթը, զգուշացրել է, որ ծայրահեղականներին հաջողվել է կարեւոր պաշտոններ զբաղեցնել արդյունաբերական ձեռնակություններում, եւ պատրաստվում են ֆիզիկական ու կիբերհարձակումներ, օրինակ` քիմիական կամ նավթարդյունաբերական գործարաններում:

Թեեւ ԱՄՆ պետդեպարտամենտը պնդում է, որ որեւէ կոնկրետ սպառնալիք չկա, սակայն մայիսին Ուսամա բեն Լադենի ոչնչացման գործողությունից հետո ի հայտ եկած նյութերից կարելի է ենթադրել, որ «Ալ Քաիդա»-ն իսկապես սեպտեմբերի 11-ի ահաբեկչության 10-րդ տարելիցի կապակցությամբ նոր ահաբեկչություններ էր նախաձեռնում: