Forbes-ի խմբագիրը գրազ է եկել Հայաստանի վրա

Forbes-ի` արդեն քանի օր շահարկվող «Աշխարհի վատագույն տնտեսությունները» վարկանիշային ցուցակի հեղինակ Դենիել Ֆիշերն իր բլոգում անդրադարձել է թեմային վերաբերող մեկնաբանություններին:

Peterkara օգտատիրոջ այն դիտարկմանը, թե Հայաստանի վիճակն այդքան էլ վատ չէ` համեմատած աֆրիկյան եւ ասիական այլ երկրների հետ, Ֆիշերը պատասխանել է. «Գուցե, ընդհանուր առմամբ, Հայաստանը երկրորդ ամենավատ երկիրը չէ»:

«Ես արդեն նշել, եմ, որ մենք ընդամենը օգտագործել ենք Արժույթի միջազգային հիմնադրամի ներկայացրած` վերջին երեք տարվա տվյալները: Հայաստանը գրանցել է լուրջ անկում շինարարական ոլորտի պատճառով, որը ֆինանսավորվում է դրսից: Այդ իրավիճակը, հավանաբար, կշտկվի: Ես գրազ եմ գալիս, որ մյուս տարի Հայաստանը դուրս կգա այս ցուցակից»,- գրել է նա: