Ժաննա Շինարարը պարգևատրել է Ալեքսանդր Գևորգյանին, սակայն մեդալը հանձնել է Ալեքսանդր Ենգոյանին

Երեկ Հայաստանի ազգային ագրարային համալսարանի կիսադատարկ դահլիճում համալսարանի հիմնադրամի հիմնադրման կապակցությամբ ըստ նախարարության տարածած մամլո հաղորդագրության հուշամեդալով է պարգևատրել «Հ. Պետրոսյանի անվան հողագիտության, ագրոքիմիայի և մելիորացիայի գիտական կենտրոն» մասնաճյուղի Պեստիցիդների սինթեզի և փորձաքննության բաժնի վարիչ Ալեքսանդր Գևորգյանին:

Սակայն համալսարանից Yerkir.am-ին հայտնեցին, որ իրականում պարգևատրվել է Ալեքսանդր Ենգոյանը:

Նման փնթի գործելակերպը ԿԳՄՍ նախարարության ու ագրարայինի համար դարձել է ավանդույթ: Կարծում ենք, որ Ժաննա Շինարարի կրթության ոլորտից շինարարության ոլորտ տեղափոխվելը այլևս անհրաժեշտություն է: